Əgər siz öz hüquq və maraqlarınızın müdafiəsi üçün məhkəməyə müraciət etmək qərarına qəlmisizsə, sizə iddia ərizəsi lazım olacaq. Qanunvericilik bu cür sənədlərə müəyyən tələbləri qoyur.

İddia ərizəsində  aşağıdakılar göstərilməlidir:

• Ərizənin verildiyi məhkəmənin adı;
• İşdə iştirak edən şəxslərin adları, onların poçt ünvanları;
• İddiaçının və ya ərizəçinin tələbi, onların öz tələblərini əsaslandırdıqları hallar;
• Müqavilə ilə və ya həmin kateqoriya işlər üçün qanunla bu, nəzərdə tutulmuşsa, cavabdehlə mübahisənin məhkəməyə qədər (pretenziya) qaydada nizama salınmasına riayət edilməsinə dair məlumat;
• Ərizəyə əlavə edilən sənədlərin siyahısı.

İddia ərizəsinə əlavə olunur:

• Nümayəndənin etibarnaməsi;
• Dövlət rüsumunun ödənilməsi barədə qəbz;
• İddia tələbinin əsasını təsdiq edən sənədlərin surəti;
• İddia ərizəsinin surəti.

İddia  ərizəsində mütləq imza çəkmək lazımdır, əks halda onu Sizə geri qaytaracaqlar.